У рамках тыдня адаптацыі да студэнцкага жыцця для першакурснікаў архітэктурна-будаўнічага факультэта адбылася прафілактычная сустрэча. У адкрытым дыялогу са студэнтамі прыняў удзел намеснік начальніка Інспекцыі па справах непаўналетніх УУС Адміністрацыі Маскоўскага раёна г. Брэста Руслан Юр'евіч Філатаў.
Галоўнай тэмай гутаркі стала прафілактыка кіберзлачынстваў. Праваахоўнік падрабязна расказала сучасных схемах інтэрнэт-махлярства: ад фішынгавых спасылак да званкоў ад «прадстаўнікоў банка». Студэнтам нагадалі базавыя правілы лічбавай гігіены:
- выкарыстанне складаных пароляў
- двухфактарнай аўтэнтыфікацыя
- асцярожнасць пры пераходзе па незнаёмых спасылках у месенджарах
Асаблівую ўвагу на сустрэчы надалі праблеме дропперства. Прадстаўнік ІСН дэталёва растлумачыў першакурснікам небяспеку ўключэння моладзі ў транзіт незаконных грашовых сродкаў праз продаж або перадачу сваіх банкаўскіх карт трэцім асобам. Студэнтаў папярэдзілі: жаданне атрымаць лёгкі заробак можа абярнуцца суровай крымінальнай адказнасцю. Няведанне закона не вызваляе ад адказнасці, а статус дроппера робіць чалавека паўнавартасным звяном у ланцугу фінансавых злачынстваў. Нават калі студэнт проста перадаў карту знаёмаму за невялікае ўзнагароджанне, ён становіцца саўдзельнікам адмывання грошай.
У ходзе дыялогу маладым людзям таксама нагадалі аб правілах бяспечных пакупак на гандлёвых пляцоўках, абароне персанальных дадзеных у сацыяльных сетках і аб адказнасці за правапарушэнні ў сферы высокіх тэхналогій.
На заканчэнне сустрэчы прадстаўнік інспекцыі заклікаў студэнтаў быць пільнымі, правяраць любую інфармацыю і крытычна ставіцца да падазроных прапаноў хуткага заробку ў мэсэнджарах.
