У пятніцу ў сценах Брэсцкага дзяржаўнага тэхнічнага ўніверсітэта адбылося ўрачыстае падпісання Пагаднення аб супрацоўніцтве паміж установай адукацыі і ЗАТ «Брэсцкае піва і напоі». Подпісы пад дакументам паставілі рэктар БрДТУ Андрэй Мікалаевіч Парфіевіч і дырэктар прадпрыемства Сяргей Аляксандравіч Ненёў.
Важная падзея стала працягам моцных партнёрскіх адносін, якія зарадзіліся яшчэ мінулым летам. Тады па лініі БДСМ і БрДТУ дзевяць студэнтаў ВНУ прайшлі вытворчую практыку на базе ЗАТ «Брэсцкае піва і напоі».
Будучыя спецыялісты выдатна зарэкамендавалі сябе на вытворчасці, праявіўшы высокі ўзровень ведаў і адказнасці, за што былі адзначаны заслужанымі граматамі і падзякамі кіраўніцтва прадпрыемства. За час летняй практыкі паміж студэнтамі і вопытнымі работнікамі завода склаліся не толькі канструктыўныя рабочыя, але і цёплыя сяброўскія адносіны.
Новае пагадненне выводзіць супрацоўніцтва на якасна новы ўзровень. Бакі маюць намер аб'яднаць намаганні ў практыка-арыентаванай падрыхтоўцы высокакваліфікаваных кадраў, у першую чаргу па запатрабаваных на вытворчасці спецыяльнасцях механічнага профілю і напрамках аўтаматызацыі ліній разліву напояў.
«Нам патрэбныя такія пісьменныя, матываваныя кадры, і мы гатовыя ўсебакова падтрымліваць моладзь на этапе іх станаўлення як прафесіяналаў», — адзначылі прадстаўнікі ЗАТ «Брэсцкае піва і напоі».
Падпісанне пагаднення адкрывае новыя магчымасці для студэнтаў БрДТУ: цяпер яны змогуць праходзіць практычную падрыхтоўку на вытворчасці, удзельнічаць у сумесных праектах і гарантавана разлічваць на першае працоўнае месца на прадпрыемстве.
