9 чэрвеня 2026 года Брэсцкі дзяржаўны тэхнічны ўніверсітэт з візітам наведала дэлегацыя Гомельскага дзяржаўнага медыцынскага ўніверсітэта. Ключавой падзеяй сустрэчы стала падпісанне пагаднення аб доўгатэрміновым супрацоўніцтве.

Подпісы пад стратэгічна важным дакументам паставілі рэктар БрДТУ Андрэй Мікалаевіч Парфіевіч, і рэктар ГомГМУ Ірына Вячаславаўна Назаранка.

Пагадненне ахоплівае практычна ўсе сферы дзейнасці ўніверсітэтаў і закладвае падмурак для сумесных праектаў на гады наперад. Асноўныя напрамкі, якія атрымаюць новы імпульс:

• Навука і інавацыі: сумесныя даследаванні, уключаючы прымяненне тэхналогій штучнага інтэлекту, а таксама публікацыя навуковых артыкулаў.
• Адукацыя і абмен вопытам: праграмы абмену для студэнтаў і выкладчыкаў, сумесны ўдзел у адукацыйных праектах і ўзаемнае выкарыстанне матэрыяльна-тэхнічнай базы.
• Здароўе і спорт: правядзенне сумесных мерапрыемстваў, накіраваных на фарміраванне здаровага ладу жыцця, а таксама арганізацыя спартыўных і культурных падзей.
• Выхаваўчая работа: рэалізацыя сумесных праектаў ідэалагічнай і патрыятычнай накіраванасці.

Галоўны прынцып супрацоўніцтва-гэта роўнасць, узаемная павага і ўлік інтарэсаў абодвух бакоў. Усе сумесныя задачы будуць вырашацца на аснове асобных дагавораў, што дазволіць зрабіць партнёрства максімальна гнуткім і эфектыўным.

У сваіх выступленнях кіраўнікі ўніверсітэтаў падкрэслілі, што гэта партнёрства — не проста фармальнасць, а стратэгічны крок, накіраваны на стварэнне сумесных праектаў на стыку IT і медыцыны.

Рэктар ГомГМУ Ірына Вячаславаўна адзначыла, што ідэя такога супрацоўніцтва мае высокі статус:

«...калі нас прызначаў Кіраўнік дзяржавы, шмат засталося, натуральна, за кадрам. ...нам з Андрэем Мікалаевічам было дадзена даручэнне ад паважанага Аляксандра Рыгоравіча, каб мы рабілі праекты на стыку двух напрамкаў: IT, медыцына».

Рэктар медыцынскага ўніверсітэта таксама падкрэсліла прыкладны характар будучага ўзаемадзеяння і важнасць абмену практычнымі ведамі, анансаваўшы для студэнтаў і супрацоўнікаў БрДТУ лекцыю па рэпрадуктыўным здароўі і майстар-клас па аказанні першай дапамогі.

Рэктар БрДТУ Андрэй Парфіевіч пазначыў, што падпісанае пагадненне - гэта толькі першы крок. Ён бачыць велізарны патэнцыял у сумесных навуковых даследаваннях:

«У ГомГМУ ёсць вялікая колькасць дадзеных, якія можна было б прааналізаваць і выбудаваць матэматычныя мадэлі. Тое, з чым мы дастаткова добра ўмеем працаваць... Але, калі мы гаворым пра лічбавых двайнікоў, школа ў нас дастаткова добрая... Я не думаю, што яна будзе моцна адрознівацца ад кірунку медыцынскага. Тут таксама ёсць над чым пасябраваць».

Андрэй Мікалаевіч прапанаваў ужо восенню арганізаваць больш маштабны візіт калег з Гомеля для правядзення сумесных дыскусій і пошуку пунктаў судакранання ў даследчай дзейнасці.

Гэта вялікі крок да стварэння адзінай навукова-адукацыйнай прасторы і сінэргіі тэхнічнага і медыцынскага ведаў!

З нецярпеннем чакаем першых вынікаў нашай сумеснай працы!